Bülbülün Memorial Muzeyinin təqdim etdiyi "Bülbülün qonaqları" rubrikası çərçivəsində növbəti dəfə Azərbaycan bəstəkarlıq məktəbinin görkəmli nümayəndəsi, SSRİ Xalq artisti Qara Qarayev yad edilib.

Bu barədə “Ədəbiyyat və incəsənət” portalına muzeydən məlumat verilib.

Tədbiri giriş sözü ilə açan muzeyin direktoru Fərqanə Cabbarova Bülbül və Qara Qarayevin sıx dostluq əlaqələrindən söhbət açıb. O, Bülbülün xatirələrində qeyd olunan görkəmli bəstəkarla bağlı olan fikirlərini bölüşüb.

Konsertdə AMK nəzdində İncəsənət Gimnaziyasının şagirdləri və Bakı Musiqi Akademiyasının tələbələri tərəfindən "Yeddi gözəl" baletindən Adajio,  "Don Kixot" qravürlərindən səyahət, "Eskiz", prelüdlər səsləndirilib.

Həmçinin tədbir zamanı "Yeddi gözəl" baletindən videolar nümayiş etdirilib.

“Ədəbiyyat və incəsənət”

(06.05.2024)