Yanvar ayında Karolina Siino "Miss Yaponiya" seçildikdən sonra cəmiyyətdə homogenlik və konformizmin hələ də qiymətləndirildiyi bir ölkədə "Yapon olmağın" nə demək olduğu barədə şiddətli mübahisələr başladı. 

İştirakçıların hamısı monqoloid - qıyıqgöz və oxşar yapon xanımları, içərisində bircə avropoid - ukraynalı xanım və o bir nəfər gəlib qalib gəlir. Əlbəttə ki, fenomenal bir haldır. 

Amma Karolina Siino bu cür çətinliklə əldə etdiyi tituldan ötən gün asanca imtina etdi. 

Bu barədə “Ədəbiyyat və incəsənət” portalı “Associated Press"-ə istinadən xəbər verir. 

Builki "Miss Yaponiya" müsabiqəsinin qalibi - 26 yaşlı ukraynalı Karolina Siino tabloidlərdən birinin evli kişi ilə münasibəti haqqında məqalə dərc etməsindən sonra tituldan imtina edib.

İnstagram-dakı bir postunda Siino məqalə çıxdıqdan sonra özü tacı "təslim etməyi" və model Agentliyindən ayrılmağı təklif etdiyini yazıb. Onun sözlərinə görə, təklifi dərhal  qəbul edilib.

"Associated Press" şərh üçün dərhal Siino ilə birbaşa əlaqə qura bilməyib. 

Nə deyə bilərik? Görünür, bəyənmədiyimiz sovet şinelindən çıxan xalqlarda sovet əxlaq kodeksi nümunəsi - lazımi anda vicdanın oyanması ənənəsi davam etməkdədir. 

“Ədəbiyyat və incəsənət”

(08.02.2024)