Yusif Nəğməkar yazır
Çingiz Mehdupurun rəhbərlik etdiyi "Dalğa" musiqi qrupunun H. Əliyev adına sarayda "Təbrizin səsi" adlı geniş proqramlı konsertində o taylı-butaylı Azərbaycan aşıqlarının və müğənnilərinin birgə iştirakı baş tutdu.
Sənətkarların çıxışları və ansamblın repertuarındakı yeniliklər tamaşaçı alqışları ilə qarşılanırdı.
Gözləyirdik ki, Aşıqlar adına düzənlənən məclis ənənəvi olaraq "Ustadnamə" ilə açılsın, özü də Dədə Ələsgərin ustadnamələri əsasında. Amma, nədənsə belə olmadı...
Təbii ki, belə bir klassik və modern ansamblın yaradılmasında Çingiz Mehdipurun əməyi böyükdür.
Arzu edərdik ki, Çingiz bəy "Yanıq Kərəmi"nin əvvəlində uzun-uzadı mahnı gəzişmələrinə yol vermədən (solo), həm də havanı oturulu yox, ayaq üstə ifa edəydi...
(Bu xırda qeydlərimiz qoy tədbirin ümumi gözəlliyinə xələl gətirməsin)
Alqışlarla keçən konsert proqramının sonunda bütün iştirakçılara "Dədə Ələsgər ocağı" İctimai Birliyinin mükafatları təqdim olundu.
Bir gecə möhlətində bizə Bütöv Azərbaycan ruhu yaşadanlar var olsun!
“Ədəbiyyat və incəsənət”
(07.12.2023)
