Fransanın paytaxtı Parisdə “Galerie Francis Barlier” rəsm sərgisi keçirilib.
Sərgidə fransız rəssamları ilə yanaşı, Azərbaycanın incəsənət xadimləri Əsmər Nərimanbəyova, Sahib Əsədli, Leyla Əliyevanın, eləcə də Azərbaycan Diasporuna Dəstək Fondunun dəstəyi ilə Rövşən (Nur) Quliyevin sənət əsərləri nümayiş olunub.
“Ədəbiyyat və incəsənət” portalına Diasporla İş Üzrə Dövlət Komitəsindən verilən məlumata görə, sərgi iki xalq arasında mədəni əməkdaşlığı gücləndirmək və azərbaycanlı rəssamların yaradıcılığını beynəlxalq səviyyədə tanıtmaq üçün mühüm platforma olub.
Azərbaycan və Fransa arasında mədəni əlaqələrin inkişafı çərçivəsində Parisdə təşkil olunan bu birgə sərgi mədəniyyətlərarası dialoqun inkişafı baxımından mühüm xarakter daşıyır.
“Ədəbiyyat və incəsənət”
(06.01.2024)
