Virciniya ştatının Aleksandriya şəhərində yerləşən Azərbaycan Evinin təşkilatçılığı ilə balaca soydaşlarımızın “Mənim sehrim” adlı rəsm sərgisi keçirilib.
“Ədəbiyyat və incəsənət” portalına Diasporla iş üzrə Dövlət Komitəsindən verilən məlumata görə, sərgidə rəsm müəllimi Aytən Mövlamovanın 10 şagirdinin 40-dan çox rəsm əsəri nümayiş olunub. Vaşinqtonda yaşayan azərbaycanlı rəssam Mahmud Mahmudzadə də sərgiyə qatılıb.
Azərbaycan Evinin koordinatoru Nigar İbrahimova layihənin davamlı şəkildə həyata keçirilməsinin Azərbaycan icmasının birliyinə, uşaqların asudə vaxtının səmərəli təşkilinə xidmət etdiyini bildirib.
Sərginin iştirakçısı və ziyarətçisi uşaqlara müxtəlif hədiyyələr verilib.
“Ədəbiyyat və incəsənət”
(30.10.2024)
