Fikrət Əmirov adına Gəncə Dövlət Filarmoniyasının təqdim etdiyi "Urbanda görüşərik" layihəsi çərçivəsində gənc rəssam Jalə Namazovanın fərdi sərgisi keçirilib.

“Ədəbiyyat və incəsənət” portalına filarmoniyadan verilən məlumata görə, sərgidə gənc rəssamın kətan üzərində yağlı boya ilə işlənmiş, postimpressionizm cərəyanına aid 22 əsəri nümayiş etdirilib. 

"Xarı bülbül", "Qədim Gəncə qapıları", "Karvan", "Narlar", "Heyvalar", "Dəniz mənzərəsi", "Balerin", "Şamlar", "Güllər", "Dəyirman", "İşıq", "Gül və qadın", "Xeyir və şər" əsərləri sərgi iştirakçıları tərəfindən maraqla qarşılanıb.

“Ədəbiyyat və incəsənət”

(23.05.2024)