ŞƏHİDİN OĞLU DÜNYAYA GƏLDİ
“Ədəbiyyat və incəsənət” portalı Səbinə Yusifin yazısını təqdim edir.
Toyundan 20 gün sonra Şəhid olan Azərbaycan Dövlət Sərhəd Xidmətinin Sərhəd Qoşunlarının baş giziri, Vətən müharibəsi iştirakçısı Azər Məmmədovun oğlu dünyaya gəlib. Adını Azay qoyublar!
Azər Məmmədov 2022-ci il sentyabr 12-dən 13-nə keçən gecə Ermənistan Silahlı Qüvvələrinin Zəngilan istiqamətində Azərbaycan Ordusuna qarşı törətdiyi təxribat nəticəsində şəhid olmuşdu. Allah rəhmət eləsin. O, Qazax rayonunun Kəmərli kəndindəndir.
Azərin ata-anasını, həyat yoldaşını, doğmalarını Azayın dünyaya gəlməsi münasibətilə ürəkdən təbrik edirik. Gözü dolusu görəsiniz. Azay Atasının adına layiq oğul olsun!
Dünya belədir, bir yandan boşalır, bir yandan dolur!
“Ədəbiyyat və incəsənət”
(30.05.2023)
