X Bakı Beynəlxalq Kitab sərgisi çərçivəsində “Şərq-Qərb” ASC-nin 38 illiyi münasibətilə “Bizi seçənlər” adlı təqdimat mərasimi keçirildi. Nəşriyyatla uzun müddət əməkdaşlıq edən bir sıra elm və incəsənət adamlarına “Fəxri müəllif” ödülü təqdim olundu.

Tədbiri giriş sözü ilə açan nəşriyyatın baş redaktoru Nərgiz Cabbarlı “Şərq-Qərb” haqqında məlumat verərək bildirdi: “Biz bu 38 ildə bir çox nailiyyətlər qazandıq, beynəlxalq və yerli mükafatlara layiq görüldük. Lakin ən böyük qazancımız müxtəlif sahələrdə çalışan nüfuzlu, dəyərli müəlliflərimizdir”.

Təltif edilənlər arasında Xalq yazıçıları Anar, Elmira Axundova, Xalq rəssamı Arif Hüseynov, Əməkdar memar Elbay Qasımzadə, Əməkdar İncəsənət xadimləri Çingiz Fərzəliyev və Kübra Əliyeva, Əməkdar Elm xadimi Qəzənfər Kazımov, professor Rayihə Əmənzadə, Əməkdar artist Bəhram Bağırzadə var idi. Onların hər biri mükafat üçün təşəkkür edərək “Şərq-Qərb” ASC ilə əməkdaşlıqlarından, kitablarının hazırlanması prosesindən razılıq ifadə etdilər. 

Sonda “Şərq-Qərb” Nəşriyyat departamentinin direktoru Sevil İsmayılova çıxışında müəlliflərə öz minnətdarlığını bildirərək əməkdaşlıqlarının uzunömürlü olmasını arzuladı.

“Ədəbiyyat və incəsənət”

(10.10.2024)