Mart ayının 2-dən 6-dək Mədəniyyət Nazirliyi yanında İctimai Şura “Teatr baharı” festivalını keçirəcək.

Xalq artisti, İctimai Şuranın teatr və kino ilə bağlı işçi qrupunun rəhbəri Vidadi Həsənov qeyd edib ki, “Teatr baharı” festivalı Bakıda 17-ə yaxın müstəqil teatrların ilk tədbiridir. O deyib:

“Festivalda panellər keçiriləcək, tamaşaların müzakirəsi aparılacaq, eyni zamanda müxtəlif insanlarla görüşlər olacaq. Bütün teatr sevərləri, gəncləri və tələbələri bu festivalda görmək istəyirik”.

Qeyd edək ki, festivalın 2 məkanda - Rəşid Behbudov adına Azərbaycan Dövlət Mahnı Teatrı səhnəsində və Şah Mat Teatrında keçiriləcəyi planlaşdırılır.

Festivalın proqramını ilə aşağıdakı fotodan tanış ola bilərsiniz.