İmran Verdiyev, Azərbaycan Respublikasının Əməkdar müəllimi. “Ədəbiyyat və incəsənət” portalının Oğuz təmsilçisi

Dini Qurumlarla İş üzrə Dövlət Komitəsininsədri Ramin Məmmədov Oğuz rayonunda vətəndaşları qəbul edib. 

Qəbuldan öncə Ümummilli lider HeydərƏliyevin Oğuz şəhərinin mərkəzində ucaldılan abidəsi ziyarət edilib, ulu öndərin xatirəsi ehtiramla yad olunub. 

Qəbul zamanı Şəki, Oğuz və Qəbələ rayonlarından olan vətəndaşlar İslam dininə aid ibadət yerlərinə və ziyarətgahlara din xadiminin təyinatı, müqəddəs kitabları (Quran) öyrənmə kurslarının yaradılması üçün icazənin alınması, məscidin dini ədəbiyyatla təmin olunması və digər məsələlərlə bağlı müraciət ediblər.

Qəbuldan sonra Dini Qurumlarla İş üzrə Dövlət Komitəsinin sədri Ramin Məmmədov Oğuz şəhərində yerləşən “Cümə” məscidini ziyarət edib.

Din xadimləri ilə görüş zamanı dini sahə dədövlət siyasətinin dünyəvilik, vicdan və dini etiqad azadlığı, dinlərin bərabərliyi kimi prinsiplərə əsaslandığını bildirən Komitə sədri Azərbaycan Respublikasının Prezidenti İlham Əliyev tərəfindən həyata keçirilən uğurlu siyasətin dini dözümlülük mədəniyyətinin inkişafında mühüm rol oynadığını vurğulayıb. 

Ramin Məmmədov həmçinin Oğuz şəhərində yerləşən Müqəddəs Yelisey adına Kala (Böyük) Alban Kilsəsində də olub, dövlət başçısının rəhbərliyiilə dini ibadət yerlərinin bərpası, yenidən qurulması istiqamətində mühüm addımların atıldığını bildirib.  

“Ədəbiyyat və incəsənət”

(25.04.2025)