Şəfa Vəli, “Ədəbiyyat və incəsənət” portalının Şəki-Zaqatala təmsilçisi

Zəfər günü münasibətilə ölkəmizdə keçirilən tədbirlər barədə sizləri bilgiləndirməkdə davam edirik. Bu dəfə yolumuz Şəkiyədir. 

Şəki-Zaqatala Regional Mədəniyyət İdarəsinin dəstəyilə, Şəki şəhər Heydər Əliyev Mərkəzinin və Şəki şəhər 2 nömrəli Uşaq Musiqi Məktəbinin təşkilatçılığı ilə Ulu Öndərin adını daşıdığı mərkəzdə "Zəfər Günü" münasibəti ilə noyabrın 7-də konsert proqramı keçirildi. 

Konsertdən öncə Şəki şəhər Rasim Ocaqov adına Uşaq-Gənclər İnkişaf Mərkəzinin şagirdlərinin əl işlərindən ibarət sərgi təşkil olundu. 

Dövlət Himni səsləndikdən sonra ərazi bütövlüyümüzün təmin edilməsi uğrunda canlarını qurban verərək şəhidlik zirvəsinə ucalan qəhrəmanların əziz xatirəsi bir dəqiqəlik sükutla yad edildi. 

Daha sonra 2 nömrəli UMM-nin  müəllimlərindən ibarət ansamblın ifasında milli musiqilər səsləndirildi, rəqs nümunələri göstərildi.

Konsert proqramında  Şəki-Zaqatala Regional Mədəniyyət İdarəsinin,  YAP Şəki şəhər təşkilatının rəhbərliyi, şəhid ailələri, mədəniyyət işçiləri,  şəhər əhalisi iştirak edirdi.

“Ədəbiyyat və incəsənət”

(11.11.2024)