Şəfa Vəli, “Ədəbiyyat və incəsənət”, Şəki-Zaqatala təmsilçisi

Oktyabrın 5-də Şəki-Zaqatala Regional Mədəniyyət İdarəsi tabeliyində fəaliyyət göstərən musiqi və incəsənət məktəblərində 5 oktyabr Beynəlxalq Musiqi Günü münasibətilə silsilə tədbirlər keçirilib.

Keçirilən tədbirlərdə, məktəb müəllimlərinin ifalarında müxtəlif janrlarda musiqilər səsləndirilib, çıxış edənlər bu günun yaranma tarxindən və müəllimlik peşəsinin nə qədər çətin olsa da bir o qədər şərəfli peşə olmasından bəhs ediblər. 

Eyni zamanda, Şəki şəhər 3 nömrəli Uşaq Musiqi məktəbində şagirdlər arasında bilik yarışı keçirilib, 1-ci, 2-ci, 3-cü yerlərin qaliblərinə müxtəlif hədiyyələr verilib.

Məktəblər Şəki-Zaqatala RMİ-i tərəfindən səmərəli fəaliyyətlərinə görə və Beynəlxalq Müəllimlər Günü münasibətilə Fəxri Fərmanla təltif edilib.

“Ədəbiyyat və incəsənət”

(07.10.2024)