26 saylı Sabunçu Seçki Dairəsindən Azərbaycan Respublikası Milli Məclisinin üzvlüyünə namizəd, 

Vl çağırış Milli Məclisin Mədəniyyət Komitəsinin sədri, Böyük Quruluş Partiyasının başqanı Dr. Fazil Mustafa seçicilərlə növbəti görüşünü keçirib. 

“Ədəbiyyat və incəsənət” portalı xəbər verir ki, Sabunçu Gənclər Evində keçirilən

görüşdə müxtəlif yaş və sosial qrupdan olan seçicilər, namizədin seçki qərargahının üzvləri iştirak edib.

Fazil Mustafa seçki platformasını ətraflı şərh edib, eləcə də, seçicilərin qaldırdığı müxtəlif məsələlərlə bağlı keçən dönəmdə Millət vəkili olaraq gördüyü işlərdən söz açıb. 

O, uşaqlarçün dövlət müavinəti, təhsilin inkişafı və seçiciləri maraqlandıran digər məsələlərlə bağlı sualları cavablandırıb. 

Seçicilərin toxunduğu məsələlərə dair öz düşüncələrini bölüşən Fazil Mustafa, dövlətin müvafiq qurumlarının xətti ilə görülən və planlaşdırılan böyük layihələrdən, dövlət proqramlarından bəhs edib, eləcə də, VIl çağırış Milli Məclisin üzvü seçiləcəyi halda, seçiciləri qayğılandıran digər məsələləri də parlamentdə, dövlət orqanları qarşısında qaldıracağını bildirib.

“Ədəbiyyat və incəsənət”

(20.08.2024)