Pandemiya dönəmində planetin ən zəngin 10 adamının varidatı yeddi yüz milyard dollardan trilyon yarım dollara qalxıb

Dünyada koronavirus pandemiyası fonunda sosial bərabərsizlik güclənib. Bu barədə Oxfam-ın - yoxsulluqla bağlı problemlərin həlli ilə məşğul olan qeyri-kommersiya təşkilatının hesabatında deyilir.

“Ədəbiyyat və incəsənət” portalı Euronews-a istinadən xəbər verir ki, Oxfam-ın məlumatına görə, 2020-ci ilin yazından etibarən planetin ən zəngin adamlarından onunun ümumi maddiyyatlarının vəziyyəti yeddi yüz milyard dollardan trilyon yarım dollara, yəni iki dəfədən çox artmışdır.

Eyni zamanda, hesabata görə, bu koronavirus məhdudiyyətləri dönəmində hər gün aclıq və tibbi yardım almaq üçün məhdud imkan səbəblərindən 21 000 nəfər həlak olur.

Oxfam-ın icraçı direktoru Gabriela Bucher deyir: "Aydındır ki, belə davam edə bilməz. Bu il ərzində özündənrazı milyarderlərin kosmosa necə yüksəldiyini də gördük, insanların əksəriyyəti isə pandemiyadan əziyyət çəkir. Bu problemi necə həll etmək olar? Bizcə, zəngin insanların gəlirlərinə mütərəqqi vergitutmanı daxil etmək lazımdır, bu isə insanların pandemiyanın öhdəsindən gələ bilmədikləri bir sıra səbəbləri aradan qaldırmaq üçün resursları təmin edəcək, çünki milyonlarla insanın səhiyyə sisteminə və əsas xidmətlərə çıxışı yoxdur".

Qeyd edək ki, hazırda planetin ən zəngin insanı “Tesla” və “Space X” şirkətlərinin təsisçisi Ilon Maskdır. Reytinqdə ikinci yerdə Jeff Bezos – “Amazon”un yaradıcısı gedir. Üçüncü sırada Bernar Arno - LVMH holdinqinin sahibi qərarlaşıb.

Onluqda milyarderlər Mark Zukerberq (“Facebook)” və Bill Qeyts (“Microsoft”) də möhkəm yer alıblar.

Ekspertlər göstərir ki, dünyanın ən zəngin insanlarının vəziyyəti fond bazarında qiymətlərin artması ilə müəssisələrin fəaliyyətinin kifayət qədər tənzimlənməməsi, inhisarçılığın güclənməsi və nəzarətsiz özəlləşdirmənin artması ilə bağlıdır. Bu durumu isə gətirən koronavirus pandemiyasıdır.  

İndi aydınlaşmırmı ki, koronavirus süni yollarla yayılır?