Açılışda Gülnarə Xəlilovanın "Cizgi" kolleksiyası təqdim olunub

Bəli, artıq ürəklə deyə bilirik ki, Azərbaycanın dəb diqtə edə bilən tanınmış kuturtesi var. Bu, Gülnarə Xəlilovadır. “Azerbaijan Fashion Week” (Azerbaijan Moda Həftəsi) öz 14-cü mövsümünün açılışında, Daş Salnamə Muzeyində bu 

məşhur dizaynerin benefisi ilə qarşılaşdıq.

“Ədəbiyyat və incəsənət” portalı xəbər verir ki, açılışda Gülnarə Xəlilovanın "Cizgi" kolleksiyası təqdim olunub. “Cizgi by Gulnara Khalilova” defilesi böyük maraqla qarşılanıb və tamaşaçıların alqışları ilə müşayiət olunub. 

Azərbaycan Moda Həftəsi həmişə olduğu kimi, bu dəfə də moda dünyasının ən parlaq yerli və xarici adları ictimaiyyətə təqdim olunacaq. 14-cü mövsüm çərçivəsində gənc dizaynerlər arasında müsabiqə keçiriləcəyi də gözlənilir. Nümayişlər isə əsas mövzu üzərində qurularaq böyük marağa səbəb olacaq.

Xatırladaq ki, Gülnarə Xəlilova Azərbaycan Milli Geyim Mərkəzinin rəhbəri, Avrasiya Etnodizaynerlar Assosiasiyasının üzvü, sənətşünaslıq üzrə fəlsəfə doktorudur. Kolleksiyaları ABŞ, Böyük Britaniya, İsveç, Avstriya, Rumıniya, Türkiyə, Rusiya, Çin, Qazaxıstan, Qırğızıstan, Özbəkistan, Bolqarıstan, Norveç, Serbiyada və digər ölkələrdə moda həftələrində və beynəlxalq tədbirlərdə uğurla nümayiş etdirilib.

Moda həftəsi bir-birindən gözəl sürprizlərlə yadda qalacaq.

“Ədəbiyyat və incəsənət”

(24.05.2023)