*İçi qaranlıq insanın üzündə nur olmaz.

*Yaxşılıq etdiyindən pislik, yaxşılıq etmədiyindən isə yaxşılıq görəndə adam öz görməzliyini görür.

*Pıçıltı ilə deyilən həqiqət qışqırtı ilə deyilən yalandan daha yaxşı eşidilir.

*Əsl sevgi ikinin bir, birin də iki olması ilə səciyyələnir.

*Dostdan dosta dünya olsa da, dosta dünyadan dost olmaz.

*Hər qəzəb qılığa, hər əzab qulağa çatmaz...

*İnsandakı paxıllıq və qısqanclıq eynən təbiətdə də mövcuddur.

*Dünya köhnə dünyadır-deyə "dost" sözünü arxaikləşdirməyək...

*Şair qəlbinə, ağlına gələni, "buqələmun" ağzına gələni yazar...

*Adam var söz-cəfənglə çox səs edər, adam da var ahənglə bir kəlməsi  bəs edər...

*kişinin kişiliyi əsasən vəfasında və "cəfa"sında, qadının kişiliyi vəfasında və səfasında əks olinur...

*Adətən, asudə vaxtı çox olanlar, yeri gəldi-gəlmədi, tez-rez"vaxtım yoxdur" ifadəsini işlətməkdən xoşhal olurlar...

*Filan...baş redaktor başdan başa düşmür ki, o, başdır, ya boşdur...

*Keyfin həsrətini çəkməkdənsə, həsrətin keyfini çəkmək yaxşıdır...

*Bəzi adamların vəziyyətə uyğun olaraq, "atam balası", "anam", "qardaşım", "bacım" -müraciətləri öz müstəqim mənasını itirir...

*İki cür yuxu var:

        1.Bioloji yuxu -- həyat,

         2.Cəhalət yuxusu -- ölüm...

*İnsanın üzü dan yerinə bənzər, gülüş o dan yerındən boylanan günəşdir.