Almaz Ərgünəş Bəyazid, “Ədəbiyyat və incəsənət” üçün

Mənim üçün xəstəxana "Ocaq"dir.

İnsanların şəfa tapdığı "ocaq".

Yaşadığım şəhər bu baxımdan güvəndiyim ocaqdır və savadlı həkimlərlə çoxluq təşkil edir.

İllər öncə "Sadıqovun xəstəxanası" deyilən Təcili - tibbi yardım xəstəxanasında düz 1

ay, 5 gün yaşamışam. Həyat yoldaşım düz 2 dəfə ağır əməliyyatdan sonra həyata qayıdıb və biz orda qalmışıq.

Rəhmətlik İzzət Sadıqov, İlyas Məmmədov cəhrah kimi heç zaman unudulmazlar.

Çox ağır vəziyyətdən çıxan yoldaşıma “Səni 50 faiz biz, 50 faiz Almaz sagaltdi” deyib, yüngülcə ciynimi qucaqlayan İzzət doktorun xoş sözü hələ də xatirimdədir.

Ən ağır koronadan Yeni klinikada müalicəm, yenə həkimlər İbrahim Rufullayev, Emil Qasımov…

Xəstə insan üçün həyat gözdən düşür.

Göydə Allah, yerdə həkim deyib xəstəxanaya gedirik.

İnsanın həyata qayıtması üçün həkimlər Allahın ən yaxın vasitəciləridir.

Məhz həkimlər. Nə mollalar, nə də seyidlər...

3 gündür ki, yeni bir ocaqda şəfa tapıb dönmüsük.

Sumqayıt Yolxucu Uşaq xəstəxanası.

Məlum virus hazırda uşaqlar arasında geniş yayılıb.

Tibb bacıları əsl fədakardırlar.

Bir an belə dayanmadan uşaqlarla məşğuldurlar.

Paşayeva Gülbəniz, Abbasova Nəzakət, Rüstəmova İradə, Nəcəfova Mətanət, Məmmədova Simuzər, Sadıqova Könul…

Bu tibb bacıları ən gözəl sözlərə layiqdirlər.

-Hamımız sizi elə sevdik ki, Almaz xanım. Heyf ki, vaxt tapıb söhbət edə bilmədik.

Bunu tibb bacısı Simuzər deyir.

İllərdi tanıdığım doktor Babayev xəstəsi olmasa da nəvəm Bəyazidə xüsusi yanaşır.

Şöbə müdiri Günay İsgəndərova lazımi məsləhətlərini verir.

Bəyazidin həkimi Məmmədova Səidə evdə olduqda da xəstəsi ilə maraqlanır.

Bir sözlə Sumqayıt yaşamaq üçün ən rahat şəhərdir.

Siz ən gözəl sözlərə, ən böyük hörmətə layiqsiniz, əziz sumqayıtlı həkimlər.

“Ədəbiyyat və incəsənət”

(10.01.2025)