İnci Məmmədzadə,

“Ədəbiyyat və incəsənət” portalının Xəbərlər və Təqvim şöbəsi

Stinq dünya musiqisinə öz məhürünü vura bilmiş bir müğənnidir, onun ölkəmizdə də çoxlu pərəstişkarı var.Bu gün böyük müğənni öz yubiley yaşını – 75-ini qeyd edir.

Stinq (Sting) — əsladı QordonMetyuTomasSander (GordonMatthewThomasSumner) olanməşhuringilismüğənni, bəstəkar, bas-gitaraifaçısı və aktyordur. O, həm The Police qrupunun solisti kimi, həm də solo sənətçi kimi dünya musiqisinin ən tanınmış simalarından birinə çevrilib. 2 oktyabr 1951-ci ildə anadan olub.

Qordon Sander gəncliyində caz qruplarında bas-gitara ifa edirdi. O dövrdə qara-sarı zolaqlı sviter geyinməyi xoşlayırdı. Musiqiçi Qordon Solomon onu arıya bənzətdiyi üçün “Sting” ləqəbini verdi. Bu ad sonradan onun bütün dünyada tanındığı səhnə adına çevrilib.

Sting musiqi karyerasından əvvəl məktəb müəllimi kimi çalışıb. Eyni zamanda axşamlar caz qruplarında bas-gitara ifa edirdi. Newcastle Big Band, Phoenix Jazzmen, Earthrise və Last Exit kimi qruplarda çıxış edib. 1970-ci illərin ikinci yarısında Londona köçməsi onun həyatında böyük dönüş yaradıb.

1977-ci ildə Sting Stüart Kopeland (Stewart Copeland) və gitaraçı Henri Padovani (Henri Padovani) ilə birlikdə The Police qrupunu yaradıb. Sonradan Padovanini Endi Sammers (Andy Summers) əvəz etdi və qrup klassik üçlük formasını alıb. The Police qısa müddətdə dünya şöhrəti qazandı. Qrupun ən məşhur mahnıları arasında:

- Roxanne — “Roksan”

- Message in a Bottle — “Şüşədəki məktub”

- Every Breath You Take — “Aldığın hər nəfəs”

- Don't Stand So Close to Me — “Mənə bu qədər yaxın dayanma”

- Walking on the Moon — “Ayın üzərində gəzmək”

- De Do Do Do, De Da Da Da

vardır.

 The Police 1980-ci illərin ən mühüm rok qruplarından biri olub. Sting isə qrupun əsas vokalisti, basçısı və bəstəkarı kimi ön plana çıxıb. 1985-ci ildə Sting solo fəaliyyətə başlayıb və “The Dream of the Blue Turtles” adlı ilk solo albomunu buraxıb. Albom böyük uğur qazanıb.

Daha sonra onun məşhur solo mahnıları meydana çıxıb:

- If You Love Somebody Set Them Free — “Əgər kimisə sevirsənsə, onu azad burax”

- Englishman in New York — “Nyu-Yorkdakı ingilis”

- Fragile — “Kövrək”

- Fields of Gold — “Qızıl tarlalar”

- Shape of My Heart — “Ürəyimin şəkli”

- Desert Rose — “Səhra gülü”

- Brand New Day — “Tamamilə yeni gün”

Sting solo yaradıcılığında rokla yanaşı caz, reggi, klassik və dünya musiqisinin elementlərindən də istifadə edib.

Məşhur albomları

The Police ilə:

- Outlandos d'Amour — 1978

- Reggatta de Blanc — 1979

- Zenyatta Mondatta — 1980

- Ghost in the Machine — 1981

- Synchronicity — 1983

Solo:

- The Dream of the Blue Turtles — 1985

- ...Nothing Like the Sun — 1987

- The Soul Cages — 1991

- Ten Summoner's Tales — 1993

- Mercury Falling — 1996

- Brand New Day — 1999

- Sacred Love — 2003

- 57th & 9th — 2016

- The Bridge — 2021

Sting karyerası ərzində çoxsaylı beynəlxalq mükafatlar qazanıb. GRAMMY tarixçəsində onun 17 qalibiyyəti və 45 nominasiyası göstərilir. O, həm The Police ilə, həm də solo sənətçi kimi Grammy mükafatlarına layiq görülüb. O, həmçinin Rock and Roll Hall of Fame-ə The Police qrupunun üzvü kimi daxil edilib və Kennedy Center Honors, Polar Music Prize kimi nüfuzlu təltiflərə layiq görülüb.

Aktyorluğu

Sting yalnız musiqiçi deyil, həm də aktyordur. Müxtəlif illərdə filmlərdə və televiziya layihələrində rol alıb. Onun aktyor kimi tanındığı filmlər arasında “Dune” (1984) və “The Adventures of Baron Munchausen” (1988) kimi ekran işləri var.

“Ədəbiyyat və incəsənət”

(02.10.2026)