Diqqət! Ali məqsədi kitabın təbliği olan, bu yöndə müxtəlif layihələr icra edən Kitabçılar Birliyi şeir müsabiqəsinə start veribdir.

Müsabiqəyə şeirlərin qəbulu 28 fevral tarixinədək davam edəcək. Müsabiqəyə təqdim olunan şeirlər dəyərli şairlərimiz Baba Vəziroğlu, İlqar Fəhmi və gənc şair Samir Əfzəroğlu tərəfindən qiymətləndiriləcək.

Seçim mərhələsindən sonra 3 qalib müəyyənləşdiriləcək. Qaliblərin elan edilməsindən sonra qala gecəsi keçiriləcək və mükafatlandırma mərasimi baş tutacaq.

Birinci yerin qalibi aşağıdakı imkanları əldə edəcək:

Şeiri antologiyada, qəzetdə, jurnalda və saytda dərc olunacaq;

İmzalı sertifikat təqdim ediləcək;

Müəlliflərin kitablarını imzalı şəkildə əldə edəcək;

Kitabçılar Birliyinin təşkil etdiyi müəllif görüşündə iştirak etmək, oxucularla birbaşa müzakirə aparmaq şansı qazanacaq.

Necə iştirak etməli?

Əlaqə yaratmaq üçün Kitabçılar Birliyinin Instagram səhifəsinə (kitabçılar) daxil olun. Profil bölməsində yerləşən linkə keçid edərək qeydiyyatdan keçin və müsabiqənin rəsmi iştirakçısına çevrilin.

“Kitabçılar” deyirlər:

Sözə güvənən hər kəsi bu yaradıcı yarışda görməkdən məmnun olarıq. Uğurlar!

Ətraflı məlumat üçün: +994 99 8621424

“Ədəbiyyat və incəsənət”

(10.02.2026)