İntiqam Yaşar,

Özbəkistandan, “Ədəbiyyat və incəsənət” üçün

Azərbaycan ədəbiyyatının görkəmli nümayəndəsi Məhəmməd Hüseyn Şəhriyarın məşhur “Heydərbabaya salam” poeması Özbəkistanda özbək türkcəsinə uyğunlaşdırılıb.

Əsərin özbək türkcəsinə uyğunlaşdırılması şair-tərcüməçiFəxrəddin Hayit tərəfindən həyata keçirilib. Məhəmməd Hüseyn Şəhriyarın yaradıcılığının mühüm nümunələrindən olan “Heydərbabaya salam” əsəri Özbəkistanın “Hürriyyət” qəzetində çap olunub.

Poemanın Özbəkistanın mətbuat orqanlarında çap olunması Azərbaycan ədəbiyyatının Özbəkistanda tanıdılması və təbliği, eyni zamanda Azərbaycan–Özbəkistan ədəbi-mədəni əlaqələrinin inkişafı baxımından əhəmiyyətli hadisədir.

Məhəmməd Hüseyn Şəhriyarın “Heydərbabaya salam” poeması Azərbaycan poeziyasının klassik nümunələrindən biri olmaqla, türk dünyasının müxtəlif ədəbi mühitlərində geniş tanınır. Əsərin özbək dilində oxuculara təqdim edilməsi Azərbaycan və Özbəkistan xalqları arasında mövcud olan ortaq ədəbi-mədəni dəyərlərin qarşılıqlı şəkildə təbliğinə və ədəbi əlaqələrin daha da möhkəmləndirilməsinə xidmət edir.

Poemanın “Hürriyyət” qəzetində çap olunması Azərbaycan ədəbiyyatının Özbəkistanda təbliği və görkəmli Azərbaycan şairlərinin yaradıcılığının özbək oxucularına çatdırılması istiqamətində atılmış mühüm addımlardan biridir.

Bu kimi fəaliyyətlər eyni zamanda Azərbaycan–Özbəkistan ədəbi əlaqələrinin inkişafına, iki qardaş ölkənin ədəbiyyat nümayəndələri arasında qarşılıqlı yaradıcılıq əlaqələrinin genişləndirilməsinə və ortaq türk ədəbi-mədəni irsinin təbliğinə töhfə verir.

“Ədəbiyyat və incəsənət”

(15.09.2026)