Azərbaycan Əlifbası və Azərbaycan Dili Günü münasibətilə Yasamal Rayon Heydər Əliyev Mərkəzi və Yasamal Rayon Mərkəzləşdirilmiş Kitabxana Sisteminin (MKS) Mərkəzi Kitabxanasının birgə təşkilatçılığı ilə “Ana dilimiz” adlı tədbir keçirilib.
Bu barədə “Ədəbiyyat və incəsənət” portalına Kitabxanadan məlumat verilib.
Tədbirdə Yasamal rayon Mərkəzləşdirilmiş Kitabxana Sisteminin direktoru vəzifəsini müvəqqəti icra edən Arzu Xudayarova və kitabxananın əməkdaşları, Azərbaycan Texniki Universitetinin Humanitar fənlər Kafedrasının müdiri filologiya üzrə fəlsəfə doktoru, dosent Həbib Mirzəyev, Bakı Biznes Universitetinin Humanitar elmlər kafedrasının müəllimi filologiya üzrə fəsəfə doktoru Sevinc Qəmbərova və digər qonaqlar iştirak ediblər.
Qonaqlar öncə Mərkəzin ekspozisiya zalında Ulu Öndər Heydər Əliyevin büstünü ziyarət ediblər.
Tədbirdə ilk olaraq Azərbaycan Respublikasının Dövlət Himni səsləndirilib və Ulu Öndər Heydər Əliyevin və torpaqlarımızın azadlığı uğrunda canlarını fəda etmiş şəhidlərimizin əziz xatiəsi bir dəqiqəlik sükutla yad edilib.
Yasamal rayon Heydər Əliyev Mərkəzinin direktoru Naminə Ömərova tədbiri açaraq, Ümummilli Lider Heydər Əliyevin Azərbaycan dilinin inkişafı, milli-mənəvi dəyərlərin qorunub saxlanması istiqamətində misilsiz xidmətlərindən və Azərbaycan Respublikasının Prezidenti İlham Əliyevin milli mənəvi dəyərlərimizin gələcək nəsillərə çatdırılmasına göstərdiyi diqqət və qayğıdan bəhs edib.
Yasamal rayon Mərkəzləşdirilmiş Kitabxana Sisteminin direktoru vəzifəsini müvəqqəti icra edən Arzu Xudayarova və digər çıxışçılar bu gündə ana dilimizin dövlət səviyyəsində tətbiqi və saflığının qorunub saxlanması, hərtərəfli inkişafı haqqında məlumat veriblər.
Mərkəzin bələdçisi Cəvahir Xalıqova “Azərbaycan dilinin keçmişi, bu günü və gələcəyi” mövzusunda mühazirə ilə çıxış edib.
1 – Avgust Azərbaycan Əlifbası və Azərbaycan Dili Gününə həsr olunmuş videoçarx təqdim olunub.
“Ədəbiyyat və incəsənət”
(03.08.2026)
