Könül Əliyeva,

“Ədəbiyyat və incəsənət” portalının Xəbərlər və Təqvim şöbəsi

Xoş gördük, əziz oxucularım. Rubrikamda növbəti görüşümüz ənənəvi müəlliflərimizdən olan Əlizadə Nuri ilədir.

Bir dəfə bəxtim gətirdi,

Dedilər ki: "zər tutursan".

Qəm əkib-biçirəm deyə

Sən məni rəncbər tutursan?

Şair yenə mükəmməldir, görürsünüzmü?

Xoş mütaliələr.

ƏLİZADƏ NURİ,

“NƏ OLSUN Kİ BİR MİSRASAN…”

Bir dəfə bəxtim gətirdi,

Dedilər ki: "zər tutursan".

Qəm əkib-biçirəm deyə

Sən məni rəncbər tutursan?

Bu ömürmüş, yoxsa çaymış?

Bir söz imiş, bir hecaymış.

Dünya səndən balacaymış-

Sən nə qədər yer tutursan?!

Bir nəfərsən, min sırasan,

Kirpiyimdə sırsırasan...

Nə olsun ki, bir misrasan-

Gör neçə əsər tutursan?!

“Ədəbiyyat və incəsənət”

(08.07.2026)