“Ədəbiyyat və incəsənət” portalı “Redaksiyanın poçtundan” rubrikasında əslən Lənkəranın Xolmili kəndindən olan Rəfail  Sadiq  Zeynalzadənin bir neçə şeirini təqdim edir.

 

 

“Qurbanlıq  olmasın  tək  ət  bayramı...”

 

Bayramlı qurbanın mübarək olsun,

qurban olmayaq kaş nahaqqa, şərə.

Əsas sevgi ilə, rəhmlə dolsun,

hər qəlbə, hər kəsə, çox nəfərlərə.

 

Ət dərdi olmasın azuqə kimi,

bayramdan bayrama ət dadan da var.

Aşiqə yar olan məşuqə kimi,

kasıb süfrəsinə kaş ət olsun yar.

 

Insaflı göz açaq hər səhərlərə,

baxanda tam görək düz öndəkini.

Əs ,,haqqın küləyi,, kənd, şəhərlərə,

gəlin bezdirməyək düz yöndəkini.

 

Ət də bir qidadır cismə zəruri,

,,qurbanlıq,, çoxuna  ət  bayramıdır.

Bayramın məğzi var, batin – zahiri,

necə şeir şairin bir ilhamıdır.

 

Süfrəsi bol olan azadlığıyla,

hər günü niyə ki, bayram olmasın.

Ruh, cism xoşbəxtdir rahatlığıyla,

həsəd xoşbəxtlərə daha qalmasın.

 

Bayram ərəfəsi, anam öləndən,

düşübdür  bayramlar  gözümdən mənim .

Mən borc istəyirəm əsil güləndən,

üç ildir yas tənim, sevincim, qənim.

 

Rəfail Sadiqəm ətdən ibarət,

ətim pula getməz, sözüm bazara.

Şair özü donar, sözü hərarət,

soyuqluq salmasın bizi azara.

 

Uşaqlar sevinər ət yeyəcəklər,

böyüklər şad olar, ət ala bildik.

Şeirimi oxuyub nə deyəcəklər ?

şükr bu bayrama sağ qala bildik .

 

Bitəcək iki gün bu bayram ilə,

mal - qara, ət satan çox sevinəcək.

Bir daha yol gəldiz, mən Rəfailə,

yazanda o sizə qonaq gələcək.

 

Hər kəsə bayramdan sevinc düşsün pay ,

Qurbanlıq  lmasın tək ət bayramı .

Səmimi, həm şəffaf sevinsin hamı,

azadlıq qapısın açsın taybatay.

 

 

Ad  günüm  və  Məhərrəmlik

 

Yenə bu gün, ad günüm ,

özümü təbrik edim.

Gözlər, zəif görüntüm,

gözümü təbrik edim.

Düşdün məhərrəmliyə,

doğumunla sən bu il,

Çevrilirsən şeirə,

on yeddisi, Rəfail!

Sözdən başqa nəyim var,

əlçatmayan çoxusu,

Sözə azdır vəfadar,

kim yalan, nə doğrusu.

Altıncı ay qismətim,

dünyaya gəlişimdir.

On yeddi rəqəm tənim,

dözmək vacib işimdir.

Hüseyn, aşiqinəm,

gəl təbrik et sən məni,

Ruhən sevirəm səni,

dindar deyiləm yəni.

Əli -  dildə şüarım,

nəhəng kəlamlarıyla,

Sinə kəs, həm yar başım,

şeirin salamlarıyla.

Bir neçə üzük, qaşım,

həzin mərsiyələrlə,

sinəmə vur, döy, dizim,

artrit, artyoz ağrılı,

başqa nahiyələrlə.

Məişət çox qayğılı,

kövrəl xatirələrlə,

başı, könlü, ruhumu,

dizimi təbrik edim.

Ata-anasız yetim,

nəvələr sevinc payı,

qalan ömrə yol gedim,

izimi təbrik edim.

Rəfail Sadiq də var,

haradan? söz oğrusu…

Gedim girim şeirimə,

təb adlanan yerimə,

çevrilim əsərimə,

sözümü təbrik edim.

Bu gün mənim ad günüm,

özümü təbrik edim.

 

“Ədəbiyyat və incəsənət”

(29.06.2026)