Bakı Şəhər Mədəniyyət Baş İdarəsinin tabeliyində olan Yasamal rayon Mərkəzləşdirilmiş Kitabxana Sisteminin Mərkəzi Kitabxanasının fonduna yeni daxil olan uşaq kitabları haqqında videoçarx hazırlanıb.

“Ədəbiyyat və incəsənət” portalıma kitabxanadan verilən məlumata görə, videoçarxda uşaq kitabları 4 bölmədə verilib: “Keçmişə səyahət”, “Ensiklopediyalar”, “Nağıllar aləminə səyahət”, “Bunlar da maraqlıdır”. Uşaqlara “Daş dövrü”, “Qədim türklər”, “Qədim Misir”, “Qədim Yunanıstan”, “Yırtıcı heyvanlar” əyləncəli ensiklopediyası, “Heyvanlar” ensiklopediyası, “Sual-cavab ensiklopediyası”, “365 gün nağıl”, “Hər günə bir nağıl”, Ojeqoj Kasderkin “Pul kisəsi və orda yaşayanlar” (iqtisadiyyata dair 50+1 hekayə), Birsen Ekim Özenin “Şirin məhəllənin ruhu”, Nilgün Özelin “Şirinin dünyası”, Stiv Kortenkamp “Kosmosu mənə göstər”, Pətrik Veqanın “Mənim ilk atlasım” kitabları nümayiş olunur və onların anonsu verilir.

Videoçarx Mərkəzi Kitabxananın YouTube kanalında nümayiş olunur: https://www.youtube.com/watch?v=aKR-OWt7BAk

“Ədəbiyyat və incəsənət”

(03.09.2025)