Bakı Şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin (MKS) M.Ş.Vazeh adına Mərkəzi Kitabxanasında hazırlanan videoçarxda kitabxananın fonduna daxil olan yeni uşaq kitabları nümayiş olunur. Yay tətili günlərində uşaqların vaxtlarını səmərəli keçirməsi zamanı əyləncələrlə, müxtəlif oyunlarla yanaşı kitab oxunması da tövsiyə edilir. Kitab oxumaq uşaqların məntiqi qabiliyyətini inkişaf etdirir, dünyagörüşünü formalaşdırır.

Kitablar “Vətən, Zəfər”, “Nağıllar aləminə səyahət”, “Anlama-qavrama qabiliyyətini inkişaf etdirən nağıllar” bölmələrində verilir. Tanınmış uşaq yazıçısı Zahid Xəlilin “Dəmir Yumruq dastanı”, Aybəniz İsmayılovanın “Xarıbülbülün nağılı”, Mürşüd İsmayılzadənin “Zəfəri yaşayanlar və yaşadanlar”, Sevinc Nuruqızının “Zəfər nəğməsi Şuşa”, “Duman pəriləri Şu-Şa”, Maqsud İbrahimbəyovun “Uşaqlığın son gecəsi”, Elçin Hüseynbəylinin “Banuçiçəyin nağılları”, Astrid Lindqrenin “Uzuncorab Pippi “Toyuq” villasında” kitabları haqqında maraqlı məlumat verilir.

Videoçarxda “Portağalın nağılı”, “Balaca buludun nağılı”, “Günəşin nağılı”, “Astagəl ilbizin nağılı”, “Fiffinin nağılı” kitabları da yer alır. Kitabxanaçılar videoçarxda oxucuları kitabxanaya dəvət edir və maraqlı kitabları oxumağı tövsiyə edirlər.

Videoçarx kitabxananın YouTube kanalında nümayiş olunur:

https://www.youtube.com/watch?v=ok68NpFZBfI

“Ədəbiyyat və incəsənət”

(21.08.2025)