F.Köçərli adına Respublika Uşaq Kitabxanasının Məlumat-biblioqrafiya şöbəsi Azərbaycan ədəbiyyatının görkəmli şairi və maarifçisi Seyid Əzim Şirvaninin 190 illik yubileyi münasibətilə veblioqrafiya tərtib edib.
“Ədəbiyyat və incəsənət” portalına kitabxanadan verilən məlumata görə, veblioqrafiyada şairin həyat və yaradıcılığı, 190 illik yubileyinin qeyd edilməsi ilə bağlı sərəncam, görkəmli şəxslərin haqqında fikirləri, eləcə də onun xatirəsinin əbədiləşdirilməsi istiqamətində görülən işlərə dair foto materiallar öz əksini tapıb.
Həmçinin bibliorafik vəsaitdə Seyid Əzim Şirvaninin müəllifi olduğu 7 kitab, əsərlərinin toplandığı 5 kitab, haqqında olan 3 kitab və dövri mətbuatda dərc edilmiş 38 adda məqalənin biblioqrafik və tam mətnli təsvirləri yer alıb. Əsas məqsəd görkəmli maarifçinin ədəbi irsini sistemləşdirilmiş şəkildə təqdim etməklə, onun həyat və yaradıcılığını geniş oxucu kütləsinə tanıtmaqdır.
Biblioqrafik mənbə ilə aşağıda qeyd edilən link vasitəsilə tanış ola bilərsiniz:
“Ədəbiyyat və incəsənət”
(21.07.2025)
