Bakı Şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin (MKS) M.Ş.Vazeh adına Mərkəzi Kitabxanasında həyata keçirilən “Yubileylər silsiləsi” tədbirləri  çərçivəsində novator bəstəkar, cazmen, Xalq artisti Rafiq Babayevin 90 illik yubileyinə həsr olunmuş videoçarx hazırlanıb.

Bu barədə “Ədəbiyyat və incəsənət” portalına Kitabxanadan məlumat verilib.

XX əsrin 60-cı illərində ikinci baharını yaşayan milli caz Rafiq Babayevin töhfələri ilə səsini bir daha bütün dünyaya çatdırır. Milli musiqini cazla sintez edərək ona yeni nəfəs verən istedadlı bəstəkar 20-dən çox bədii və sənədli ekran əsərinə, həmçinin cizgi filminə musiqi bəstələyib. Videoçarxda Xalq artistinin həyat və yaradıcılığı, onun mükafatları, xatirəsi və filmoqrafiyası haqqında qısa məlumat verilir. Qızı və sənət dostlarının xatirələri təqdim edilir.

Videoçarxda Rafiq Babayevin ifası da yer alır.

Videoçarx kitabxananın YouTube kanalıda izləyicilərə təqdim olunur: https://www.youtube.com/watch?v=2-cEdjt5rtk

“Ədəbiyyat və incəsənət”

(18.03.2026)