İnci Məmmədzadə, “Ədəbiyyat və incəsənət”

Bu gün Azərbaycan bəstəkarı, əməkdar incəsənət xadimi Rauf Əliyevin anım günüdür. Əlbəttə ki, Rauf Əliyev onu sevənlərin qəlbində bir iz qoyub gedib.

O, 1 may 1947-ci ildə Şuşada doğulub. Və Şuşa həsrəti ilə, Şuşa nisgili ilə dünyadan köçən tanınmışlardan biri olub. Yağı tapdağında qalmış dogma Şuşasının azadlığından onu cəmi 3 il ayırıb.

Rauf Əliyev Asəf Zeynallı adına Bakı Musiqi Texnikumunu, Üzeyir Hacıbəyov adına Azərbaycan Dövlət Konservatoriyasının bəstəkarlıq ixtisasını bitirib. Azərbaycan Dövlət Televiziya və Radio Verilişləri Komitəsində də,  “Azərbaycanfilm” kinostudiyasında da musiqi redaktoru kimi çalışıb.

"İşığını əsirgəmə", "Yalan", "Fəryad", "Azərbaycan haqqında həqiqət", "Kənar adamlar", "Qara Volqa", "Vahimə" kinofilmlərinə musiqi bəstələyib.

Filmoqrafiya 

1. Bakı Sovet Azərbaycanının paytaxtıdır – bəstəkar

2. Bu torpağın nemətləri – bəstəkar

3. Yarımçıq qalmış mahnı – musiqi redaktoru

4. Azərbaycanın xoşbəxt torpağı – musiqi tərtibatçısı

5. Onun bəlalı sevgisi – musiqi redaktoru

6. Sehrli ağac – bəstəkar

7. Taya – bəstəkar

Bəstəkar 13 iyun 2017-ci ildə Bakıda vəfat edib.

Allah rəhmət eləsin!

“Ədəbiyyat və incəsənət”

(13.06.2025)