9 iyul 2025-ci il tarixində F.Köçərli adına Respublika Uşaq Kitabxanasında “OXU, YARAT, QAZAN!” Yay Festivalı çərçivəsində “YARAT – Daxilindəki sənətkarı oyat!” devizi altında növbəti master-klass keçirilib.

“Ədəbiyyat və incəsənət” portalına kitabxanadan verilən məlumata görə, yardıcı məşğələdə iştirak edən uşaqlar müxtəlif bədii fiqurlar hazırlayaraq onları öz zövqlərinə uyğun rəngləyiblər. Nağıl və hekayə personajlarından ilhamlanan uşaqların əl işləri fərdi yanaşma və yaradıcı təsəvvürlə seçilib.

Kitabxana əməkdaşları proses boyu onlara texniki və estetik istiqamətdə dəstək göstəriblər. Master-klassı keçirtməkdə əsas məqsəd uşaqların incəsənətə marağının artırılmasına, əl bacarıqlarının inkişafına və yaradıcı düşüncələrinin formalaşmasına xidmət etməkdir.

Qeyd edək ki, “OXU, YARAT, QAZAN!” Yay Festivalı çərçivəsində bu tip maarifləndirici və yaradıcı tədbirlərin təşkili davam etdiriləcək.

“Ədəbiyyat və incəsənət”

(11.07.2025)