Aygün Bayramlı, “Ədəbiyyat və incəsənət” portalının Aran təmsilçisi

Aranda yaşamaq belə çətindir

Bir dağ yoxdu ki, atasan özünü

Bu düzün, düzənliyin harasından asasan özünü?

Haray çəkib qışqıranda bir dağ yoxdu gedən səsin qayıda.

Bu şəhərin o başı da, bu başı da düzənlik,

Buranın hər bucağında Allah var

Günahımız həmd olsun ki, hesabsız.

Buraların dağı yox ki, günahını gizləyəsən

Yığışanda boğazına cümlələrin

Allah ilə danışmaqçün bir dağ yox ki,

Dırmanasan başına,

Yaxın olub Allahına danışasan dərdini…

İndi bir dağ yaratmağa gücün yoxmu İlahi?

Gedib bu Mil düzündə

Özümüzü hardan asaq?

Hardan ataq???…

“Ədəbiyyat və incəsənət”

(02.06.2025)