Nemət Tahir,

“Ədəbiyyat və incəsənət” portalının Qarabağ təmsilçisi

Bəşəriyyətin  dəhşətli düşməni olan xolesterin  bizə hər yerdən - televizor ekranlarından, qəzet səhifələrindən və onlayn bannerlərdən hücum edir. Və elə təəsürat yaranır ki, sanki bundan daha dəhşətli bir xəstəlik yoxdur. Reklamlar öz işini görərək, insanları o qədər qorxudur ki, onlara qan damarlarındakı çöküntüləri təmizləməkdənsə, vaxt və pul itirərək, xolesterinsiz məhsullar axtarmaq daha asan gəlir.

Bu gün demək olar ki, bütün marketlərdə  "Xolesterinsiz, E vitamini ilə" etiketli bitki yağları sıra ilə düzülüb. Əgər istehlakçılar, yumşaq desək, ələ salındığını və aldadıldığını anlasaydılar, bu  həqiqətən gülməli olardı. Amma, əslində isə burada heç bir aldatma yoxdur və bu sadəcə bir marketinq hiyləsidir: çünki bitki yağlarında ümumiyyətlə xolesterin olmur. İstənilən bitki yağı (günəbaxan, qarğıdalı, zeytun, kətan toxumu) xolesterinsizdir. Xolestein qaraciyər tərəfindən sintez edilən heyvan mənşəli bir maddədir, buna görə onu bitkilərdə və ya bitki məhsullarında tapmaq mümkün deyil.

Amma istehsalçı onu o qədər yaxşı "hazırlayıb" insanlara təqdim edir ki, bununla da onlar bu hiylədən yaxşı pul qazanırlar. Əslində isə, qida etiketlərindəki “xolesterinsiz”  o qədər də faydalı deyil və ziyanlıdır. Çünki, bu məhsullar kalori baxımından yüksəkdir və trans yağlar ehtiva edir. Trans yağlar isə "pis" xolesterindən daha pisdir. Çünki onlar  ürək və qan damarlarının  daxili divarında yığılaraq, insan sağlamlığına təsir edən xolesterin pilək və ya  lövhələrinin əmələ gəlməsinə kömək edir. Bu isə damarların daralmasına, sərtləşməsinə və ateroskleroz xəstəliyinin yaranmasına səbəb olur.

“Ədəbiyyat və incəsənət”

(30.07.2026)