İnci Məmmədzadə,
“Ədəbiyyat və incəsənət” portalının Xəbərlər və Təqvim şöbəsi
Şotlandviskisi şoxməşhurdur, ammayəqin, kinosubarədə az məlumatlısınız. Mövzumuz bu gün doğum gününü qeyd edən məşhur şotland kino aktyoru Cerard Batlerdir (Gerard Butler). O, həm də film prodüseridir. Hollivudda döyüş, macəra, triller, romantik komediya və tarixi filmlərdə canlandırdığı obrazlarla tanınır. Xüsusilə 300, The Phantom of the Opera, Olympus Has Fallen və Law Abiding Citizen filmlərindəki rolları ilə geniş tamaşaçı auditoriyasının rəğbətini qazanıb.
Cerard Ceyms Batler 13 noyabr 1969-cu ildə Şotlandiyanın Qlazqo şəhərində anadan olub.
Uşaqlıq illərinin bir hissəsini Kanadada keçirib, daha sonra ailəsi ilə birlikdə Şotlandiyaya qayıdıb. O, gənclik illərində aktyorluqdan əvvəl hüquq sahəsinə maraq göstərib. Qlazqo Universitetində hüquq təhsili alıb. Universiteti bitirdikdən sonra bir müddət hüquq sahəsində çalışmaq niyyətində olsa da, sonradan aktyorluğa yönəlib.
Teatr səhnəsində fəaliyyətə başlayan Batler tədricən kino dünyasına daxil olub. İlk illərdə kiçik rollarda çəkilsə də, istedadı və xarizmatik ekran görünüşü sayəsində diqqət çəkməyə başlayıb. Batlerin beynəlxalq səviyyədə tanınmasında 2004-cü ildə çəkildiyi The Phantom of the Opera filmi mühüm rol oynayıb. O, filmdə sirli və faciəli taleyi olan Fantom obrazını canlandırıb. 2006-cı ildə ekranlara çıxan 300 filmi isə onun karyerasında dönüş nöqtəsi olub. Aktyor burada Sparta kralı Leonid obrazını yaradıb.
Filmdəki güclü aktyor oyunu və döyüş səhnələri onu dünya miqyasında məşhurlaşdırıb. Sonrakı illərdə əsasən aksiyon və triller janrında çəkilən filmlərdə iştirak edib. Xüsusilə Olympus Has Fallen filmində məxfi xidmət əməkdaşı Mayk Benninq obrazı ilə diqqət çəkib. O, həmçinin How to Train Your Dragon animasiya franşizasında Stoyk obrazını səsləndirib.
Cerard Batlerin çəkildiyi əsas filmlər:
Mrs. Brown (1997) — Xanım Braun
Tomorrow Never Dies (1997) — Sabah Heç Vaxt Ölmür
Dracula 2000 (2000) — Drakula 2000
Attila (2001) — Attila
Reign of Fire (2002) — Odun Hökmranlığı
Lara Croft: Tomb Raider – The Cradle of Life (2003) — Lara Kroft: Qəbir Oğrusu – Həyatın Beşiyi
Timeline (2003) — Zaman Xətti
The Phantom of the Opera (2004) — Opera Kabusu
Dear Frankie (2004) — Əziz Frenki
300 (2006) — 300 Spartalı
P.S. I Love You (2007) — P.S. Səni Sevirəm
RocknRolla (2008) — RoknRolla
Gamer (2009) — Oyunçu
Law Abiding Citizen (2009) — Qanuna Tabe Olan Vətəndaş
Cerard Batler şəxsi həyatını əsasən ictimai diqqətdən kənarda saxlamağa üstünlük verir. O, aktyorluq fəaliyyəti ilə yanaşı, prodüser kimi də çalışır və G-BASE istehsalat şirkətinin yaradıcılarından biridir. Aktyor xeyriyyəçilik fəaliyyətində də iştirak edir. Xüsusilə uşaqların təhsili və qidalanması ilə bağlı humanitar təşəbbüslərə dəstək göstərisi. Batler karyerası ərzində müxtəlif kino mükafatlarına və nominasiyalara layiq görülüb
“Ədəbiyyat və incəsənət”
(13.11.2026)
