İnci Məmmədzadə, “Ədəbiyyat və incəsənət”

Kinomuzada yeni adlar çövlan edir.

Bu gün onlardan birinin – Taleh Yüzbəyovun doğum günüdür.

Taleh Yüzbəyov 6 dekabr 1986-cı ildə Bakı şəhərində anadan olub. 1994-cü ildə Binəqədi rayon 143 saylı orta məktəbində 1-ci sinifə gedib. 2009-cu ildə Azərbaycan Dövlət Mədəniyyət və İncəsənət Universitetinin Teatr və kino aktyoru ixtisasını bitirib.

2008-ci ildə universitetin 3-cü kursundan Azərbaycan Dövlət Pantomim Teatrında çalışmağa başlayıb, "Dulusçu", "Çərçivə", "Pantomim buketi", "Tıq-Tıq xanım" və s. tamaşalarda rol alıb. 2009–2010-cu illərdə Qazax rayonu N saylı hərbi hissəsində hərbi xidmətdə olub. 2010-cu ildə Azərbaycan Dövlət Pantomim Teatrında işləməyə davam edib, 2011-ci ildən isə teatrdan uzaqlaşaraq "Azerfon" şikətində işə başlayıb.

2017-ci ildə "YÜZ production" şirkətini qurub, bir çox yerli və qlobal şirkətlərin sifarişi əsasında reklam filmləri çəkmiş və baş rolda oynayıb. 2015-ci ildən kino karyerasına başlamış, "Oğlan evi: Azərbaycansayağı qarət", "21 sual", "Qız qaçırtma" və s. filmlərdə rol alıb. 2016-cı ildən Facebook, Youtube, Instagram sosial şəbəkələrində videoblogger kimi fəaliyyət göstərir

Filmoqrafiya

1. Oğlan evi: Azərbaycansayağı qarət

2. 21 sual

3. Qız qaçırtma

4. Tayson

5. Kəklikotu

6. Son nəfəsədək

7. Fəlakət

8. Oxşarabad

9. Beşinci fəsil

10. Ağacdələn.

“Ədəbiyyat və incəsənət”

(06.12.2025)