İnci Məmmədzadə, “Ədəbiyyat və incəsənət”

Onun rolları bir-birindən gözəldir. O obraza ürəyini qoyur, ona görə də çox təbii oynamağı bacarır.

Rejissorlar üçün o, ən arzuolunan katrisa hesab edilə bilər. Hər tamaşa sonrası səhnədə onun üçün tər gül-çiçək yağışı qurulur.

Və bu gün onun yubileyidir, 60 yaşı tamam olur.

Xalq artisti adını məgər haqq etməyib?

Almaz Amanova 29 noyabr 1965-ci ildə Sumqayıt şəhərində anadan olub. 1987-ci ildə Azərbaycan Dövlət İncəsənət İnstitutunun dram və kino aktyorluğu fakültəsini bitirib. Aktrisalıq fəaliyyətinə Sumqayıt Dövlət Dram Teatrında başlayıb. Sumqayıt Teatrında silsilə rollar oynayıb. Pişik ("Öz xoşuna yaşayan pişik" R. Kiplinq), Saimət ("Varlı ev" G. Xuqayev), Gülçöhrə ("Arşın mal alan" Ü. Hacıbəyov), Şərəfnisə ("Müsyö Jordan və dərviş Məstəlişah" M. F. Axundov) və s.

Almaz Amanova 1999-cu ildən Akademik Milli Dram Teatrının aktrisasıdır. Onun teatrın səhnəsində oynadığı rollar bunlardır:

 İkinci qız ("Sokratı anma gecəsi" Ç. Aytmatov),

Şiranə ("Burlaxatun" N. Xəzri),

Rəqqasə ("Aydın" C. Cabbarlı),

Şəmsi ("Ədirnə Fəthi" C. Cabbarlı),

Zulya ("Bu dünyanın adamları" Hidayət),

 Siyan Şi ("Özümüzü kəsən qılınc" B. Vahabzadə),

 Arikiya ("Fedra" J. Rasin),

Fizzə ("Dirilən adam" Mir Cəlal),

 Müxalifətçi qız ("Hərənin öz payı" H. Qoca).

Filmoqrafiya

- Hücum

- Mənim ağ şəhərim

- Ağ dünya

- Bəsdir, ağlama!

- Ayna

- Bizim qəribə taleyimiz

- Əzvay

Almaz Amanova Azərbaycan teatrının inkişafındakı xidmətlərinə görə 7 mart 2014-cü ildə Azərbaycan Respublikasının əməkdar artisti fəxri adına layiq görülüb. O, 8 may 2025-ci ildə Prezident Mükafatına da layiq görülüb.

“Ədəbiyyat və incəsənət”

(28.11.2025)