Murad Vəlixanov, “Ədəbiyyat və İncəsənət”
Sayca 16-cı dəfə keçirilən, paytaxtımızın isə 2-ci dəfə ev sahibliyi edəcəyi “Cinema Breeze Baku” film festivalı barədə söhbət edəcəyəm. İlk dəfə ötən ilin Oktyabr ayında ölkəmizə həvalə olunan festival kifayət qədər maraq və diqqət cəlb etmişdi. Bu ildə Oktyabr ayında təşkil olunacaq festivala olan maraq bir qədər də böyükdür. Bu günkü mövzumuz ötən il təşkil edilən festival zamanı müxtəlif nominasiyalar üzrə qalib adını qazanan filmlər haqqında danışmaq, həm də bu il təşkil olunacaq festival zamanı qarşıya qoyulan hədəflər və məqsədlər barədədir. Ötən il təşkil edilən və 4 gün davam edən festivalda müxtəlif nominasiyalar üzrə qalib adını qazanan filmləri diqqətinizə çatdırıram:
"Balam" filmi - Rejissor İra Bas/ Rusiya
Tammetrajlı film kateqoriyasında "Ən yaxşı təsvir rejissoru" - "Tənha insanın monoloqu" - Rejissor
Emin Əfəndiyev. Təsvir rejissoru Daniel Quliyev
Ən yaxşı ssenari - "Bazar günü" -Rejissor: Şakir Xolikov / Özbəkistan
Ən yaxşı rejissor "Rosinante" -Rejissor: Baran Gündüzalp
Ən yaxşı tammetrajlı "Baurına salu" -Rejissor: Asxat Kuçinçirekov /Qazaxıstan
Beynəlxalq müsabiqənin qısametrajlı filmlər kateqoriyasında qalibləri
Münsiflər heyətinin xüsusi qeydi - "Taksidermist" - Rejissorlar: Behzad Alavi və Süsən Salamat Çaqoşi/ İran
"Acqarına getməyək" - Rejissor Yigit Hepsev/ Türkiyə
Ən yaxşı animasiya - "Atamın məktubları" - Rejissor: Aleksey Yevstinqneyev /Fransa
Ən yaxşı sənədli film - "Valeriya" - Rejissor Sara Yurinçik / Xorvatiya
Ən yaxşı rejissor - "Çuxur" filmi - Rejissorlar: Kristian Bekə və Oliver Şvabe/ Almaniya
Ən yaxşı bədii film - "Demək olar tamamilə yanlışdır" - Rejissor: Cansu Baydar /Türkiyə
"Asiya istedadları" müsabiqəsinin qalibləri:
Ən yaxşı film - "Fələstin adaları" - Rejissorlar: Nur Ben Selem və Jülyen Menantu.
Bu il təşkil ediləcək festival Oktyabrın 6-dan 12-ə qədər keçiriləcək.
Tədbir dünyanın müxtəlif ölkələrindən olan kino istehsalçılarını, həvəskarlarını və prodüserlərini bir araya gətirəcək. İslam Əməkdaşlıq Təşkilatının tərəfdaşlığı ilə təşkil olunacaq tədbirdə 3.000-ə yaxın yerli və xarici qonaqları qəbul edəcək, yaradıcı dialoqu və birgə istehsalı təşviq edərək, iştirakçı ölkələrin kino mütəxəssisləri arasında işgüzar əlaqələrin qurulmasına səbəb olacaqdır. Tədbirin keçirilməsindəki əsas məqsədlərdən biri Azərbaycanı regionda mədəni mübadilə istiqamətində, xüsusən yaradıcı və kino sahələrində beynəlxalq əməkdaşlıqların qurulduğu mərkəzə çevrilməsidir. “Baku Cinema Breeze” Beynəlxalq Film Festivalında Şərq Ölkələrinin Film Marketi, “ATA” Türk Dünyası Animasiya Festivalı, İslam Ölkələrinin Kino Günləri və “Cinema Talks” panel müzakirələrinin keçirilməsi nəzərdə tutulmuşdur.
Baş tutacaq bu festival ölkəmizin mədəni həyatında önəmli hadisə kimi bütün sənətsevərlərin marağını cəlb edəcəkdir.
“Ədəbiyyat və incəsənət”
(22.08.2025)
