Könül, “Ədəbiyyat və incəsənət”

Xəbər verdiyimiz kimi, ötən gün Heydər Əliyev Mərkəzində Beynəlxalq Türk Mədəniyyəti Təşkilatının (TÜRKSOY) və Mədəniyyət Nazirliyinin təşkilatçılığı, Xalq rəssamı Sakit Məmmədovun təşəbbüsü ilə 

“Tomris” adlı beynəlxalq sərginin açılışı olub.

“Ədəbiyyat və incəsənət” portalı xəbər verir ki, mərasimdə çıxış edən TÜRKSOY-un baş katibi Sultan Rayev sonra jurnalistlərə verdiyi açıqlamada da söyləyib ki, “Tomris” adlı beynəlxalq sərgi Türk dünyasının, birliyimizin, dostluğumuzun simvoludur. O, sərginin önəmini vurğulayaraq Tomrisin Türk dünyası üçün özəl bir xarakter olduğunu diqqətə çatdırıb. 

Təsadüfi deyil ki, sərgidə Sakit
Məmmədov, Arif Əziz, Xanlar Əhmədov
(Azərbaycan), Sembiqali Smaqulov, Aqimsal
Düzelxanov, Ədilğali Bayandı, Əlibi Bayğojanov, Tolkın Tabısbek, Möldir
Bayğojanova, Bakıtbek Zerde, Aytkul
Tasmaqambetova, Botagöz Toleş,
Rahat Saparaliyeva (Qazaxıstan), Talant
Oqobayev, Jılkıcı Jakıpov, Rahat İtikeyev,
Yuristanbek Şıqayev, Eldar Aytmatov, Suyutbek Torobekov (Qırğızıstan),
Sardor Alaberqenov (Qırğızıstan) və Refik Aziz (Türkiyə) - türk dünyasının ən məşhur rəssamlarının böyük tarixi şıxsiyyət Tomris barədə, türk tarixi barədə möhtəşəm tabloları yer alıb. 

“Ədəbiyyat və incəsənət”

(06.03.2024)