Dekabrın 2-də Azərbaycanda Qazaxıstan mədəniyyəti günləri başlanıb.

“Ədəbiyyat və incəsənət” portalı Mədəniyyət Nazirliyinə istinadən xəbər verir ki, bu gün başa çatacaq mədəniyyət günlərinin maraqlı proqramı var.

Mədəniyyət günləri çərçivəsində dekabrın 2-də Beynəlxalq Muğam Mərkəzində Qazaxıstanın “Hassak” etno-folklor ansamblının solo konserti keçirilb. 

Dekabrın 3-də Q.Musrepov adına Qazaxıstan Dövlət Akademik Uşaq və Gənclər Teatrı "Qaragöz" tamaşası ilə Azərbaycan Dövlət Akademik Musiqili Teatrının səhnəsində çıxış edib. 

Bu gün isə Heydər Əliyev Mərkəzində Qazaxıstan təsviri sənət sərgisi açılacaq.

Bu gün həm də Heydər Əliyev Mərkəzində dost ölkənin incəsənət ustalarının qala-konserti keçiriləcək.

“Ədəbiyyat və incəsənət”

(04.12.2023)