İstedadlı gənc ədəbiyyatşünas, şair, bu yaxınlarda Fəlsəfə doktoru elmi dərəcəsi almış Ramil Əhməd səfərə hazırlaşır. Səfərlə əlaqədar o, “Ədəbiyyat və incəsənət” portlına açıqlama verib: 

-Elmi dərəcə ilə ilk beynəlxalq elmi məruzəmi Qazaxıstanın Əhməd Yəsəvi Universitetində X. ULUSLARARASI TÜRKOLOJİ KONGRESİndə edəcəyəm. 

Böyük Türkoloq Fuat Köprülünün Azərbaycan ədəbiyyatına dair araşdırmalarından danışacağam. Onun elmi tədqiqatlarında Azərbaycan ədəbiyyatının yer alması türkologiya sahəsi üçün önəmlidir. Nəzərə alın ki, o, bu araşdırmaları 1920-ci illərdə edib. Həmin illərdə Azərbaycan ədəbiyyatına dair bilgilər ölkə sərhədlərindən kənarda çox az idi. 

Köprülü, Yusif Vəzir Çəmənzəmlinin - Xalq Cumhuriyyətinin İstanbula göndərdiyi ilk və son baş konsul - İstanbulda nəşr etdirdiyi kitablardan xəbərdar idi və bununla bağlı məqalə də yazmışdı. Onun bizim ədəbiyyata olan marağını artıran 1926-cı ildə Bakıda keçirilən Türkologiya Qurultayında iştirakı olmuşdu.

“Ədəbiyyat və incəsənət”

(12.10.2023)