"Ulduz" jurnalının bədii redaktoru, görkəmli rəssam Ədalət Həsənin bu il 85 yaşı tamam olur. Bu münasibətlə yubilyarı qəbul edən Azərbaycan Yazıçılar Birliyinin sədri, Xalq yazıçısı Anar tanınmış fırça ustasının həyat və fəaliyyətindən söz açıb, onu namuslu və istedadlı sənətkar kimi xarakterizə edib. Onun 1967-ci ildən bu günəcən çalışdığı "Ulduz" jurnalının bədii tərtibatındakı xidmətlərini yüksək qiymətləndirib.
Anar yubilyara xoş arzularını bildirməklə yubilyara Azərbaycan Yazıçılar Birliyinin Fəxri Diplomunu və pul mükafatı da təqdim edib.