“Ədəbiyyat və incəsənət” portalının Poetik qiraət rubrikasının daimi aparıcısı, gözəl şairimiz Əlizadə Nuri sizə növbəti şeirini təqdim edir:
Gedin deyin İsaya…
Əziz dostum Qulu Ağsəsə
Yaman yorulmuşam mən,
Bəlkə də iş qırxdadı?
Günah köhnə bazarda
Yoxsa təzə nırxdadı?
Gəldik sözü qazmağa…
Misra- misra azmağa…
Papaq yoxdu asmağa-
Divar özü mıxdadı.
Əl də çatmır əsaya,
Nəyim var ki, nə sayam?
Gedin deyin İsaya
Dünya da çarmıxdadı…
“Ədəbiyyat və incəsənət”
(20.06.2023)