Bu il ədəbiyyat üzrə Nobel mükafatının laureatı oktyabr ayının 6-da açıqlanacaq.

Artıq əsas namizəd bəllidir. Bu il ədəbiyyat üzrə Nobel mükafatının qalibi fransız yazıçı Mişel Uelbek ola bilər.

“Ədəbiyyat və incəsənət” portalı RİA Novostiyə istinadən xəbər verir ki, Uelbek ən yüksək əmsalla bukmekerlərin rəyində birincidir.

İkinci yerdə  hind əsilli ingilis yazıçısı Salman Rüşdi qərarlaşıb, təzəlikcə sui-qəsdə məruz qalmış bu şəxs İslam dininin qatı düşməni hesab edilir və onun Nobel alması bu mükafatı islam dünyasının boykot etməsi ilə sonuclana bilər. 

Digər yerləri Amerika yazıçısı Stiven Kinq və keniyalı Nquqi va Thionqo bölüşürlər. 

Qeyd edək ki, ötən il ədəbiyyat üzrə Nobel mükafatının qalibi tanzaniyalı yazıçı Əbdülrəzzaq Qurna olub.