“Ədəbiyyat və incəsənət” portalı statusman Hümbət Həsənoğlunun növbəti 10 aforizmini təqdim edir. 

1.Vaxtında, yerində, qədərində olan hər şey qiymətlidir.

2.Valideyn üçün ən böyük təhlükə və ən böyük ümid mənbəyi övladlarıdır.

3.Fikirlər havayı paylandığından qiymətləndirilə bilmir.

4.Şər gecə, xeyir gündüzdürsə, insan alatoranlıqda yaşamağa məhkum məxluqdur.

5.Hələ heç kəs başqalarının vaxtını almaqla öz vaxtını uzada bilməyib.

6.Mərhəmət göstərilib bağışlanan insan, ona mərhəmət göstərən insanı heç vaxt bağışlamır.

7.İnsanın ən gözəl libası onun xoş xasiyyətidir.

8.Tikansız güllər axtaran güllərin qızılını heç vaxt tapmaz.

9.Ehtiyaclarının qədərini azaldan insan xoşbəxt olmaq şansını çoxaldır.

10.Ətrafın axmaqlardırsa, özünü ağıllı saymağın axmaqlıqdır.

“Ədəbiyyat və incəsənət”

(11.12.2023)