Adilə Nəzər yazır

“Ədəbiyyat və incəsənət” portalı elm və ədəbiyyat xadimi Adilə Nəzərdən 9-cu Bakı Beynəlxalq Kitab Sərgisi barədə təəssüratlarını alıb. 

Bu dünyanı düşünəndə görürsən ki, o, içində lazımlı əşyalar olan bir ev kimidir. Göy dam kimi ucaldılıb, yer sərgi kimi yayılıb, ulduzlar çıraq kimi öz yerlərində yerləşdirilib, mədənlər xəzinə kimi gizlədilib, qalan hər şey sizin istifadəniz üçün hazır vəziyyətə gətirilib...

Kitab da eynən belədir. Müəllif oxucu üçün ən qiymətli fikirləri üstüörtülü, sətiraltı deyir, qalanlarını açıq şəkildə. Və bunu bilərəkdən etmir, dünyanın - təbiətin bir parçası olduğu üçün yazdıqları sadəcə belə alınır. 

Əsas olan oxumaqdır, həm də uşaqlıqdan mütaliəyə vərdiş edəndə o gizli mədənləri tez tapırsan, çünki sözlərin bədii, poetik mənalarını öyrənmiş olursan. Sevindirici haldır ki, builki kitab sərgisində gənc oxucular üstünlük təşkil edirdi. 

İmza saatında şəkilləri hərə öz telefonu ilə çəkirdi, bir də sərgiyə  təhkim olunmuş fotoqraflar çəkirdilər. 

Bu şəkill isə 5 gündə Kitab Sərgisində mənim telefonumun kamerasına düşənlərdən biridir.

 “Ədəbiyyat və incəsənət”

(16.11.2023)