Nigar Həsənzadə, “Ədəbiyyat və incəsənət”

Ötən gün Maştağa qəsəbəsinin igid oğullarından olan şəhid Aslan Rzayevin bu dünyaya göz açdığı gün idi. Altay sənin vətənə, millətə əmanətindir, şəhid oğul!

Aslan Rzayev 21 yanvar 1995-ci ildə Sabunçu rayonunun Maştağa qəsəbəsində  anadan olub. 2001-ci ildə məktəbə gedib. 2012-ci ildə məktəbi bitirib və həmin il Azərbaycan Texniki Universitetinin “Avtomatika və komputer texnikası” fakültəsinə qəbul olub, 2016-cı ildə universiteti bitirib. 

2016-ci il iyulun 25-i hərbi xidmətə yollanıb, Ağcabədi rayonunun Qiyamətdinli kəndində hərbi borcunu yerinə yetirib, 2018-ci il yanvar ayının 11-i hərbi xidməti başa vurub. Xidmətdə olduğu müddətdə düşmən xətti ilə 60 metr məsafədə 1 il 3 ay ərzində postda öz vəzifəsini şərəflə yerinə yetirib.

2018-ci il avqust ayının 26-sı ailə həyatı qurub, 2019-cu il 21 may tarixində oğlu Altay dünyaya gəlib. 

2020-ci ilin sentyabr ayının 30-u çağırış vərəqəsi əsasında vətənin müdafiəsi uğrunda döyüşlərə qatılıb, Füzuli, Cəbrayıl və Xocavəndin azadlığı uğrunda gedən döyüşlərdə iştirak edib. 13 oktyabr tarixində Xocavənd istiqamətində gedən döyüşlərdə xeyli düşməni məhv edərək, şəhidlik zirvəsinə ucalıb. Ölümündən sonra “Vətən uğrunda” və “Xocavəndin azad olunması uğrunda” medalları ilə təltif olunub. 

Allah rəhmət eləsin!

“Ədəbiyyat və incəsənət”

(22.01.2024)