ABŞ Prezidenti Cozef Bayden tanınmış müğənni və aktrisa Ledi Qaqanı Mədəniyyət və İncəsənət üzrə Prezident Komitəsinin həmsədri təyin edib. Bu barədə ABŞ liderinin mətbuat xidmətinin yaydığı məlumatda bildirilir. 

“Ədəbiyyat və incəsənət” portalı izvestiya.ru-ya istinadən xəbər verir ki, sənəddə vurğulanır: Stefani Coann Ancelina Cermanotta (yəni Ledi Qaqa) 

13-cü “Qremmi” mükafatının sahibidir və tarixdə kommersiya baxımından ən uğurlu ifaçılardan biridir. Daha əvvəl “Time” jurnalı onun adını dünyanın 100 ən nüfuzlu adamının siyahısına daxil edib. Və unutmayaq ki, müğənni xeyriyyəçilik fəaliyyətində və bəzi ictimai kampaniyalarda da fəal iştirak edir. Odur ki,

onun Mədəniyyət və İncəsənət üzrə Prezident Komitəsinin həmsədri təyin edilməsi məqsədəuyğundur.”

“Ədəbiyyat və incəsənət” portalı xəbərə əlavə edir ki, ABŞ-da 1982-ci ildə yaradılmış 

 Mədəniyyət və İncəsənət üzrə Prezident Komitəsin ABŞ Prezidentinə və hökumət rəsmilərinə mədəniyyət siyasəti ilə bağlı tövsiyələr verir. 

Cozef Bayden Komitəyə, həmçinin Bryus Koeni həmsədr təyin edib. 

Və gəlin onu da unutmayaq ki, bu təyinatın kökündə təkcə Baydenin mətbuat xidmətinin yaydığı sənəddəki məqamlar dayanmır. 

Ledi Qaqa Baydenin seçki kampaniyası çərçivəsində tədbirlərdə fəal iştirak edib. 2021-ci ilin yanvarında o, Baydenin andiçmə mərasimində ABŞ Himnini ifa edib.

Heç nə unudulmur!

Şəkildə: Bayden və Ledi

Qaqa

“Ədəbiyyat və incəsənət”

(14.04.2023)