İncəsənət və mincə sənət Featured

Rate this item
(0 votes)

Port İncəsənət Mərkəzinin açılması “mədəniyyət” faktoruna diqqət deməkdir

 

Yeni mədəniyyət mərkəzlərinin açılması diqqətçəkəndir. Belə hadisələr günümüzün nadir hadisələri sayılır. 

Belə bir nadir hadisə yaşadıq. Bakı Dəniz Vağzalında Bakı limanının 120 illik yubileyinə həsr edilən Port İncəsənət Mərkəzinin açılışı olub. 

 

Bəri başdan, yeni mərkəzdə rəsm sərgisi təşkil edən və incəsənət sözünü mincəsənət variasiyasında özünə ad kimi götürən Rəsm Qalereyaaına sənətsevərlər adından təşəkkürümüzü bildiririk. 

İndi isə keçək tədbirə. Təbii ki, qonaqları öncə ev sahibi qarşılayıb - “Bakı Beynəlxalq Dəniz Ticarət Limanı" QSC-nin baş direktoru Taleh Ziyadov açılışa gələn qonaqlara incəsənət mərkəzi və ümumən Bakı Limanı barədə məlumat verib.

Bildirib ki, Bakı limanının 120 illik yubileyi qeyd edilsə də, əslində limanın tarixi 500 ildən çoxdur. Bu gün belə bir mərkəzin açılışı, "Mincə Sənət" Rəsm Qalereyasının dəstəyi ilə keçirilən sərgi Bakı limanının yubileyinə həsr olunan ən gözəl hədiyyədir.

Baş direktor qeyd edib ki, burada 37 rəsm və 16 heykəltəraşlıq nümunəsi sərgilənir. Mərkəzdəki sənət əsərləri arasından 3 ən yaxşı rəsm və heykəltəraşlıq nümunəsi səsvermə yolu ilə seçilib və onların müəlliflərinə sertifikatlar verilib. 

Daha sonra "Mincə Sənət" Rəsm Qalereyasının direktoru Fidan Bədəlova, Avropa İttifaqının Azərbaycandakı səfiri Peter Mixalko sərginin əhəmiyyətindən danışıblar, Bakı limanını 120 illik yubiley münasibətilə təbrik ediblər. 

Sonra sərgi ilə tanışlıq olub, qaliblərə sertifikatlar təqdim edilib. Tədbirə 30-dan çox ölkənin səfirləri, diplomatlar, incəsənət nümayəndələri dəvət almışdılar.

Bizim əməkdaşların diqqətini isə iki heykəltaraşlıq və iki rəsm əsəri cəlb edib. 

“Süni intellektli kəllə”, “Balıqçı və balıq”, habelə “Qız portreti” və “Payız natürmortu”.

 

“Ədəbiyyat və incəsənət”

(10.12.2022)