VI çağırış Milli Məclisin Mədəniyyət komitəsinin sədri Fazil Mustafa

Hatay vilayətinin Türkiyə Cümhuriyyətinə birləşməsinin 85-ci ildönümü ilə bağlı paylaşım edib. Paylaşımın mətnini “Ədəbiyyat və incəsənət” portalı təqdim edir:

“Hatay vilayətinin Türkiyə Cümhuriyyətinə birləşməsinin 85-ci ildönümü qutlu olsun!

Hatay 1939-cu ildə Türkiyəyə qatılıb. Qazi Mustafa Kamal Paşa Atatürkün "şəxsi məsələm" adlandırdığı bu bölgə, I Dünya müharibəsi illərində Osmanlı ərazisi olaraq Fransanın işğalı altına düşüb; 1938-ci ilə qədər işğalda qalan Hatayda həmin il müstəqil dövlət elan edilib və tarixi ədalət 1 il sonra bərpa olunub - Hatay Türkiyəyə birləşib.

Cümhurbaşqanı Rəcəb Tayyib Ərdoğanın bu tarixi hadisənin 85-ci ildönümü törənindəki çıxışında dediyi kimi:

"Bu bütünləşmə qərarı əziz millətimizin birlik və bərabərliyini hər şeyin üstündə tutduğunun göstəricisidir. Ortaq dəyərlərimiz ətrafında sıx birləşərək gələcəyə eyni əzm və qərarlılıqla yürüyürük"!”.

“Ədəbiyyat və incəsənət”

(25.07.2024)