Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Sirkə küftəsinin hazırlanma qaydasını təqdim edəcəyik.

DÜSTUR 

§ Ət – 130 qr

§ Soğan – 25 q

§ Yağ – 20 qr

§ Noxud – 10 qr

§ Badam – 10 qr

§ Albuxara – 10 qr

§ Zəfəran – 0,1 qr

§ Sarıkök – 0,1 qr

§ Duz – 6 qr

§ İstiot – 0,05 qr

Xörək əlavəsi:

§ alma sirkəsi (3%-li) – 15 qr

HAZIRLANMASI:

Yağlı qoyun əti ət maşınından keçirilir. Qiymənin içərisinə badam qoyularaq xırda küftələr hazırlanır. Hazırlanmış küftələr noxud ununa bulanır və yağda tovlanır. Soğan xırda doğranır, yağda qızardılır, üzərinə işgənə əlavə olunur. Sarıkök, badam, albuxara, sonda isə zəfəran qatılır. Həmçinin təzə kartof da əlavə etmək olar. Süfrəyə veriləndə yanında alma sirkəsi qoyulur.

Nuş olsun!

“Ədəbiyyat və incəsənət”

(06.05.2024)