Leyla Ümid, “Ədəbiyyat və incəsənət”

Bu gün evimə qonaq gələn yaxın rəfiqəm Məryəm üçün hansı yeməyi hazırlayıb servis edəcəyimi bilmirdim. Daha sonra ikimiz eyni anda qərar verdik ki, sevimli yeməyimiz olan makaronu birlikdə hazırlayaq. Lakin hər zamankı kimi sadə deyil, soslu və pendirli italyan mətbəxinə məxsus  "Alfredo makaronu" hazırlamağı qərarlaşdırdıq. 

•İnqridientlər:

400 qram qələm makaron

Toyuq filesi (istəyə uyğun olan miqdarı)

1 stəkan qaymaq

1/2 stəkan süd

Həm duru yağ, həm də bir az kərə yağı

Bir qədər parmesan pendiri (mozarella pendiri də istifadə edə bilərsiniz)

3 diş sarımsaq (hissələrə bölünməlidir, amma çox xırda olmaz) 

Holland pendiri (bir az sousa, bir az da ən sonda üzərinə əlavə olunacaq)

Duz və istiot (zövqə görə)

•Hazırlanma qaydası:

1) Makaronu geniş bir qazanın içində suda qaynadın. Qaynayan suya duz və bir az sarıkök əlavə edin və makaronlar yumşalıb bişəndən sonra süzün.

2) Bir tavada hər iki yağı da qızdırın və sarımsağı əlavə edin. Həmən sonra hissələrə doğradığınız toyuq ətini tavaya əlavə edin. Qarışdıraraq sarımsağı qızarıncaya qədər 2-3 dəqiqə qovurun. Sonra sarımsaqları tavadan götürün.(yanmamalıdır, sadəcə dadı çıxmalıdır.) Toyuqlar ortabab qızardıqdan sonra tavanın altını söndürün.

3) Üzərinə qaymağı əlavə edin və qarışdıraraq ardıyca südü əlavə edin və qarışdıraraq pendirlərinizi əlavə edin. Pendirləri qarışığın içində tam əriyib uzanınca qarışdırırıq. Hazır olduqdan sonra altını söndürün və duz, istiot əlavə edin.

4) Süzdüyümüz makaronları sousumuz  hazır olan tavaya əlavə edib yaxşıca qarışdırırq.

5) Ən sonda servis edərkən üstünə rəndələnmiş holland pendiri əlavə edirik.

Dadı çox əla olur! Bon apetite! Nuş olsun!

“Ədəbiyyat və incəsənət”

(20.11.2023)