Bu gün Azərbaycan teatrı yaranmasının 150-ci ildönümünü qeyd edir. Prezident İlham Əliyevin “Azərbaycan peşəkar milli teatrının 150 illik yubileyinin qeyd edilməsi haqqında” Sərəncamına əsasən bu əlamətdar yubiley ölkəmizdə və ölkəmizin hüdudlarından kənarda silsilə tədbirlərlə qeyd olunacaq.

“Ədəbiyyat və incəsənət” portalı builki Heydər Əliyev ilində ümummilli liderin Azərbaycan teatrına göstərdiyi diqqət və qayğıya nəzər salır.

Şübhəsiz, teatrlarımızın yeni inkişaf yoluna çıxmasında ölkəmizə rəhbərliyinin bütün dövrlərində daim mədəniyyət və incəsənətin böyük hamisi kimi bu sahədə çalışanların sonsuz rəğbətini qazanmış Azərbaycan xalqının Ümummilli Lideri Heydər Əliyevin xidmətləri misilsizdir. Yeri gəlmişkən qeyd etməliyik ki, bu il ölkəmizdə Ulu Öndərin 100 illik yubileyi münasibətilə “Heydər Əliyev İli” elan olunmasının teatrımızın 150 illiyi ilə üst-üstə düşməsi də rəmzi xarakter daşıyır. Azərbaycan xalqının Ümummilli Lideri Heydər Əliyevin anadan olmasının 100 illiyinə həsr edilmiş “Heydər Əliyev və milli teatr sənəti” layihəsi çərçivəsində Heydər Əliyev Mərkəzində tamaşa təqdimatları davam edir.

Ulu Öndər hər zaman teatra, yaradıcı insanlara çox böyük diqqət və qayğı ilə yanaşıb. Onun premyeralara getməsi, prədə arxasında sənətçilərlə görüşməsi, ünsiyyət qurması əsla yaddan çıxmaz.

Bu ənənə bu gün Prezident İlham Əliyev tərəfindən uğurla davam etdirilir. 

“Ədəbiyyat və incəsənət”

(10.03.2023)